នៅព្រឹកថ្ងៃទី០៦ ខែមករា ឆ្នាំ២០១៦ រដ្ឋបាលខេត្តកែប បានរៀបចំប្រារព្វមិទ្ទិញ ខួបលើកទី៣៧ នៃទិវាជ័យជំនះ ៧មករាក្រោមអធិបតីភាពដ៏ខ្ពង់ខ្ពស់ ឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម និងសិប្បកម្ម និងជាប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តកែប អមដំណើរដោយ ឯកឧត្តម លោកជំទាវ លោក លោកស្រី ក្រុមការងារថ្នាក់កណ្តាលចុះមូលដ្ឋានខេត្តកែប នាឱកាសនេះក៏មានការចូលរួមពី លោក លោកស្រី ប្រធាន អនុប្រធាន មន្ទីរ អង្គភាពជុំវិញខេត្ត និងបងប្អូនប្រជាពលរដ្ឋចំនួនជាង ១៥០០នាក់ ។
ឯកឧត្តម កែន សត្ថា អភិបាលខេត្តកែប និងជាប្រធានគណកម្មាធិការបក្សប្រជាជនខេត្តកែប បានអានសន្ទរកថា របស់សម្តេចអគ្គសេនាបតី តេជោ ហ៊ុន សែន ថ្លែងក្នុងមិទ្ទិញ ខួបលើកទី៣៧ នៃទិវាជ័យជំនះ ៧មករា នេះផងដែរ ។
ក្នុងពិធីនោះ ឯកឧត្តមគអធិបតីក៏បានសំណេះសំណាលជាមួយបងប្អូនប្រជាពលរដ្ឋ និងពន្យល់ រំលឹកឡើងវិញ ចំពោះគុណបំណាច់ ថ្ងៃ៧មករា កុំអោយមានការយល់ច្រលំ ចាញ់បោកការឃោសនារបស់ពួកអគតិមួយចំនួន ។ ជាចុងក្រោយ ឯកឧត្តមបានផ្តាំផ្ញើ ដល់ បងប្អូនប្រជាពលរដ្ឋដែលរស់នៅលើទឹកដីខេត្តកែបមេត្តាជួយថែរក្សាសមិទ្ធិផលដែលកើតមានឡើងលើទឹកដីនេះ ដើម្បីជាប្រយោជន៍សម្រាប់កូនចៅ បងប្អូនទៅថ្ងៃមុខទៀត ។
